Style Sampler

Layout Style

Patterns for Boxed Mode

Backgrounds for Boxed Mode

Lomba Masak Aneka Makanan Bahan Lokal

Lomba Masak Aneka Makanan Bahan Lokal

Sleman, www.jogjatv.tv – Balai Penyuluhan Pertanian Perikanan dan kehutanan (BP3K) Kecamatan Ngemplak dinten Selasa (18/10) siyang nggelar pameran produk pertanian sarta lomba masak makanan bahan lokal ing kantor BP3K Kecamatan Ngemplak. Ancasing lomba kangge ndhudhah kreatifitas masyarakat ngocal maneka asil pertanian sarta kangge biwarakaken asil pertanian Warga Kecamatan Ngemplak.

Salebeting pameran hasil produk pertanian ingkang dipun adani dening. BP3K Kecamatan Ngemplak wonten maneka asil pertanian ingkang dipun pameraken,antawisipun sayuran,ulam lan bibit taneman perkebunan. Wonten ing kalodhangan kasebat ugi dipun gelar  lomba masak aneka makanan olahan produk lokal masyarakat Kecamatan Ngemplak.

Wonten ing pambagyanipun, Wakil Bupati sleman. Sri Muslimatun nyengkuyung gumelaring pameran lan lomba masak maneka tetedhan kanthi nanjakaken bahan pangan local awit badhe suka pangaribawa ingkang sae, antawisipun ngindakaken aos produk pertanian ingkang wusaanipun badhe ngentas kemiskinan.

Sri Muslimatun ugi nindakakaken pikukuhan 25 kelompok tani sa Kecamatan Ngemplak kanthi masrahaken partisara dhateng pengurus kelompok tani. ( Subardi )

Share this with friends

Comments are closed.