Kota Yogyakarta, www.jogjatv.tv – Mengeti ambal warsa Jogetan Selasa Legen, Yayasan Pamulangan Beksa Sasmita Mardawa ngadani pagelaran seni, sesirah Dari Kita Oleh Kita Untuk Kita. Kridha kasebat ngiras kangge mengeti haul kaping 20 taun sedanipun Rama Sas. Pagelaran kapurwakan beksan Rengga Mataya, kalajengaken Beksan Srimpi Pandhelori, Beksan Klana Topeng, Rengganis Widaninggar lan pethilan Ramayana Sugriwo Subali. Jogetan Selasa Legen, dipun gelar selapan dinten sepisan dene tanggal 26 April 2016, ngleresi pengetan ambal warsa ingkang kaping 3. Pagelaran seni samangke dipun sengkuyung 200 pambeksa,  rumaja ngantos lansia.

Sedaya beksan ingkang dipun gelar, inggih riptanipun Rama Sas dene dinten Selasa Legi inggih dinten wiyosanipun Rama Sas. Lampahing pagelaran tari, dados punjer kawigatosaning warga. (Tim Liputan)