Klaten, www.jogjatv.tv –Jawah deres ing tlatah Klaten, Jawa Tengah, sawetawis dinten pungkasan njalari puluhan hektar taneman pantun gadhahanipun kadang tani ing Desa Gondangsari, Kecamatan Juwiring, Klaten, Jawa Tengah kembengan toya Taneman pantun ingkang umuripun dereng wonten sewulan punika keblabak bena. Sanak kadang tani mboten saged tumindak kathah awit  ilenan toya sampun mbludag, pramila namung nyrantos ngantos toya asat. Miturut pandugi jalaran ilining toya irigasi buntet, toya mboten saged mili dhateng  Bengawan Solo.

Menawi  sadanguning seminggu toya mboten tumuli asat, taneman pantun ingkang kembengan toya dipun kuwatosaken pejah satemah kadang tani badhe nandhang kapitunan ngantos yutan rupiyah. Sanak kadang tani ngajab pemerintah lumantar dinas ingkang kawogan tumuli ndandosi  ilenan irigasi utawi normalisasi lepen supados mboten bena malih. ( Haryadi )