Sleman, www.jogjatv.tv – Ngayogyakarta dados destinasi, utawi jujugan  wisata kaping kalih sasampunipun Pulo Bali lan dados sumber pamedal tumrap pemerintah daerah. Ewa semanten, mratahipun   hotel ing Ngayogyakarta tetela dereng suka pangaribawa tumrap karaharjan warga.

Bab wau dipun andharaken dening warganing Komisi  X DPR RI,  Esti Wijayanti salebeting  Seminar Nasional,   Destinasi Wisata Pedesaan Dan Perkotaan , dinten Kemis (2/6) siyang.  Miturut Esti karaharjan Warga Ngayogyakarta dereng saged mindhak lumantar jagat pariwisata pramila kedah dipun penggalihaken dening pemerintah pusat lan daerah .

Wondene Kepala Dinas Pariwisata DIY , Aris Riyanta , ngandharaken babagan Pengembangan Wisata Baik Desa Maupun Kota , Harus Ditunjang Dengan Kesiapan Sumber Daya Manusia (SDM). Miturut Aris, SDM ingkang mumpuni saged ngemonah papan wisata kanthi sae satemah destinasi-destinasi wisata ing DIY  badhe saya monjo lan dados pilihan tumrap wisatawan . ( Heri Susanto )