Sleman, www.jogjatv.tv – Mungkasi rerangkening pengetan kaping 71 taun, Dinten Kamardikan  Republik Indonesia, Pemkab Sleman, nggelar Resepsi Kenegaraan, ing Pendhapi Parasamya, Malem Jemuwah (19/8).

Resepsi kenegaraan dipun rawuhi dening pejabat Muspida, camat lan kades Sa Kabupaten Sleman sarta dipun estreni dening kelompok masyarakat, pasukan pengibar bendera Kabupaten Sleman lan para pamupu lomba agustusan. Bupati sleman, Sri Purnomo kepareng masrahaken bebana lan  tandha pangalembana  tumrap para pamupu lomba ingkang sasab salebeting lomba agustusan Kabupaten Sleman, antawisipun juara lomba karya ilmiah remaja, lomba gladi kawruh basa jawa, arsiparis teladan, juara lomba kebersihan lingkungansarta juara  lomba tumpengan.

Miturut Bupati Sleman, ngisi Kamardikan  Republik Indonesia boten namung dados tanggel  jawab pemerintah kemawon nanging ugi sedaya Warga Indonesia. Awit saking punika, Sri Purnomo ngajab supados PNS lan sedaya  kalangan  masyarakat tansah sengkut gumregut kangge ngindakaken karaharjanipun. ( Subardi )