Kota Yogyakarta, www.jogjatv.tv – Persatuan  Istri Tentara (Persit) Kartika Chandra Kirana Yogyakarta nggelar kejuaraan bola voli sejajaran Korem  072 Pamungkas. Pamupu tetandhingan voli inggih para garwa prajurit TNI Angkatan Darat   warganing Persit. Miturut Ketua koorcab Persit Kartika Chandra Kirana korem 072 Pamungkas, Kodam IV Diponegoro, Eni S Tri Mulyono  tetandhingan  voli mujudaken rerangken kridha pengetan ambal warsa kaping 70 Persit Kartika Chandra Kirana ngiras kangge grengsengaken olah raga  kangge ngendhaleni supados  kulawarga TNI nebihi narkoba.

Salebeting laga final bola voli,  tim Persit Kodim Magelang tetandhingan kaliyan Persit Kodim Kebumen. Tim Persit Magelang unggul  3-0 tinimbang persit Kodim Kebumen dene juara III inggih tim Persit  Satdisjan ingkang unggul tinimbang Persit  Korem.

(Hari Atamaja)