Pengaosan Akbar Ustad Gus Miftah
Sleman, www.jogjatv.tv – Umat muslim Dhusun Kaliajir Kidul, Kalitirto Berbah, Sleman, ngadani pengaosan akbar, dinten Senen (25/1). Beda kaliyan padatan, pengaosan malem Selasa kliwonan samangke, dipun estreni dening 700 jamaah saking Sleman lan Bantul, kanthi Ustad Gus Miftah, Pangarsa Pondok Pesantren Ora Aji,Saking Purwomartani, Kalasan,Sleman.
Pengaosan dipun gelar dhateng serambi Mushola Al Ikhlas Gondo Kusumo, dipun regengaken hadroh lan sholawatan remaja masjid. Salebeting pengaosan, Gus Miftah ngajak masyarakat supados ngaosi guru awit menawi nglirwakaken labuh labet guru, badhe nampi piwales ingkang sakmurwat saking Gusti Ingkang Hakarya Jagad. (Hari Atmaja )
Likes