Sleman, www.jogjatv.tv –  Padhukuhan Pogung Kidul, Sinduadi, Mlati, Sleman, majeng Lomba Desa Binaan Keluarga Sakinah (DBKS) taun 2015 tataran Kabupaten Sleman. Pambiji dipun tindakaken dening Tim Pokja DBKS Kabupaten Sleman, tanggal 5 November kapengker.

Tim Pokja biji kulawarga haji Hafidun, S.Ag, ingkang majeng lomba DBKS samangke. Tim Pokja kepareng wawan pangandikan magepokan   caranipun mujudi keluarga sakinah..

Kangge ngregengaken lampahing pambiji, dipun adani pagelaran angklung , hadroh, karawitan sarta senam lansia, mapan ing gedung serbaguna Pogung Kidul.

Salebeting kalodhangan kasebat, tim pambiji ugi nyemak stand-stand ingkang dipun cawisaken antawisipun stand pembinaan masjid, stand pembangunan bidang agama dan hankam, stand pembagunan kesejahteraan dan pendidikan budaya sarta stand pengaosan ibu-ibu manula.

Ketua panitia , rofiah ngajab gumelaring lomba DBKS boten namung winates kangge evaluasi kemawon nanging sageda dados pamecut tumrap sedaya warga Padhukuhan Pogung Kidul supados saged mujudi kulawarga ingkang sakinah mawadah warohmah.

(Tim Liputan)