Sragen, www.jogjatv.tv– Sinaosa kawontenan badanipun kirang sampurna, nanging Sugiyamto, Warga Kampung Krapyak, Sragen, Jawa Tengah, tetep greget makarya. Sampun tigang taun, Sugiyamto, bikak ladosan dokter lampu, dhateng Jalan Raya Sukowati, Sragen, kanthi dipun biyantu dening satunggal tenaga karya. Pamedalipun antawis Rp 30.000,00 ngantos Rp 40.000,00 saben dinten. Pamedalipun dipun cakaken kangge biyantu nyekapi kabetahan tiyang sepuhipun sarta wragat sekolah adikipun. Saderengipun dados dokter lampu, nalika taun 2003 Sugiyamto, bakul koran dhateng Kitha Bengawan.

Yoga pembajengipun, Parto Padiyo lan Tomblok kasebat wiwit lulus SMP ing Ngawi, Jawa Timur, sampun kulina prihatos. Kajawi suka ladosan dhateng kios, Sugiyamto ugi murugi warga ingkang betahaken ladosanipun.

Elokipun Sugiyamto ugi gladhi anak binaan ingkang samangke suka ladosan dhateng tlatah Jawa Timur lan Jawa Tengah, antawisipun Ngawi, Blora lan Solo. Miturut Sugiyamto, lampu rekondisi aman, sauger wonten protektoripun. Minangka dokter lampu, Sugiyamto ugi gadhah izin usaha, SIUP sarta izin praktek rekondisi lampu saking pemerintah daerah. (Heru Kristiyanto)