Bantul, DIY www.jogjatv.tv Seniman tansah kupiya ngripta wohing pakaryan kanthi damel maneka inovasi. Awit saking punika, Komunitas Kawung, nggarap tari Jawa gagrag enggal, inggih punika Tari Abhirama. Tari kasebat padatan dipun gelar kangge miwiti satunggaling pagelaran.

Komunitas Kawung nggarap tari jawa gagrag enggal inggih punika Tari Abhirama. Tari ingkang dipun gelar minangka pambuka pagelaran kasebat sakelangkung mranani. Paraga Tari Abhirama 5 penari lan dipun gelar sadanguning 6 menit. Elokipun ing tengahing pagelaran tari, ngemot pethikan maneka cariyos jumbuh kaliyan irah-irahan kridha, antawisipun pethilan ringgit Rama lan Sinta.

Miturut Leader Komunitas Kawung, Eko Wibowo, ancasipun nggarap Tari Abhirama kangge nepangaken pagelaran tari kontemporer Jawa kekinian, sarta paraga ringgit kadosta Rama lan Sinta. ( Twin Kumilah )