Klaten, www.jogjatv.tv – Satunggaling warga Desa Gemampir , Kecamatan Karangnongko, Klaten, Jawa Tengah, Kotib Febi Mistar ngantos samangke, greget nekuni pakaryan minangka perajin ringgit klithik. Kepara wohing pakaryanipun nate  sasab dados juara 2 tataran nasional  sawetawis taun kapengker.

5 taun pungkasan Kotib lan warga sakiwa tengenipun damel ringgit  bahan baku kajeng  sengon,  mahoni lan jati kanthi nengenaken pepakemipun. Damel ringgit klithik betahaken wekdal 3 dinten dene panyadenipun rumambah dhateng  sawetawis wewengkon antawisipun   Semarang  , Mojokerto , Jakarta kepara ngantos  sajawining Pulo Jawa. Regi ringgit klithik antawis Rp 5.000,00  nganhtos  5 yuta rupiyah.

Camat Karangnongko Klaten, Jaka Supriyanta badhe tembayatan kaliyan maneka pehak kangge biyantu perajin ing tlatah kasebat, supados usahanipun ngembang ngrembaka lan lestari. (Haryadi)