Kota Yogyakarta, www.jogjatv.tv – Direktorat Jenderal Kebudayaan Kementerian Kebudayaan dan Pendidikan Dasar Menengah badhe nggelar Festival Nasional Musik Tradisi 2016 ing Kabupaten Parigi Moutong, Sulawesi Tengah. Kridha kasebat badhe dipun estreni atusan anak Indonesia, kalebet  Daerah Istimewa Yogyakarta. Kangge ceawisan  festifval, dinten  Selasa (19/4) sonten, tim  kesenian DIY ngadani gladi resik lan slametan ing  Pendhapi Dinas Kebudayaan DIY.

Miturut Kepala Dinas Kebudayaan DIY, Umar Priono, Festival Nasional Anak badhe dipun gelar  tanggal 22-24 April 2016 , ing  Pesisir Kayubura Palu, kanthi mendhet irah-irahan Semarak Nada Indonesia. Festival kasebat dados kalodhangan kangge  olah  seni kanthi ndayakaken kaskaya lan  musik tradisional  ingkang wonten dene bab ingkang dipun biji magepokan   originalitas, karya, ide lan kreativitas sarta totalitas.  Festival kasebat ugi mengku ancas kangge  dokumentasi pangrembakaning seni musik tradisi ing saindhenging Indonesia sarta kangge ndayakaken  sumber daya anak Indonesia salebeting bidang seni musik tradisi. Salebeting festival benjing tim kesenian  DIY mendhet irah-irahan Uniku Unimu Unine  kanthi ngungelaken kolaborasi  alat musik antawisipun  terbang, gamelan , otok otok , suling lan gentha. (Purwanto)