Yogyakrta, www.jogjatv.tv – DIY dados percontohan nasional daerah ingkang kasil nyekapi kebutuhan dasar dan kesehatan reproduksi perempuan dan anak saat bencana. Bab punika adhedhasar pambiji nalika tumempuhing lindhu ageng taun 2006 lan kurdaning redi merapi taun 2010 kapengker.

Nalika tumempuhing lindhu ageng taun 2006 sarta kurdaning redi merapi taun 2010 kapengker, Pemda DIY ngedalaken kawicaksanan lumantar Peraturan Gubernur, bab pemenuhan kebutuhan mendasar perempuan dan anak. Kupiya punika dipun tindakaken awit boten wonten kawicaksanan saking pemerintah pusat ingkang mranata bab kebutuhan dasar perempuan dan anak nalika tumempuhing musibah alam. Miturut Gubernur DIY, Sri Sultan Hamngkubuwono Kaping Sedasa, nalika tumempuh musibah alam, bantuwan padatan dipun wujudaken bahan kabetahan baku, kadosta sandang-pangan lan papan. Dene kebutuhan dasar tumrap wanita lan lare asring kalirwakaken.

Badan PBB urusan pembiayaan untuk aktivitas kependudukan utawi UN-FPA mawas, ladosan kesehatan reproduksi perempuan dan anak nalika tumempuhing musbiah dereng kapenggalihaken. Kejawi nindakaken sosialisasi UN-FPA ugi njurung pemda nindakaken advokasi utawi pendampingan.

Minangka kupiya pemenuhan kebutuhan dasar perempuan dan anak nalika tumempuhing musibah, UN-FPA, sampun nggladhi watawis 600 tenaga kesehatan ing Indonesia, kangge suka ladosan kesehatan reproduksi pada perempuan dan anak. Materi kasebat ugi dipun lebetaken dhateng kurikulum sekolah kebidanan saindenging diy.

( Fauzan Ahmad )