Warga Bausasaran Nggelar Pentas Seni
Kota Yogyakarta, www.jogjatv.tv – Pengetan ambal warsa Kota Yogyakarta ngantos samangke taksih regeng. Malem Senen (23/10) Warga Kelurahan Bausasran, Kota Yogyakarta nggelar pentas seni sesirah Gelar Pesta Rakyat.
Kridha pengetan ambal warsa Kota Yogyakarta ingkang kaping 260 taun, dipun regengaken maneka kridha seni antawisipun macapat, pagelaran tari, hadroh, fragmen sarta pagelaran ringgit purwa dening dhalang cilik. Lampahing kridha dados punjer kawigatosan para pamirsa.
Miturut Ketua Panitia, Cipto Widodo, pentas seni ingkang dipun gelar inggih wujud pisumbangipun Warga Kalurahan Bausasaran tumut mengeti ambal warsa Kota Yogyakarta amrih regenging swasana. ( Hari Atmaja )
Likes