Klaten, www.jogjatv.tv – Lampahing upacara tawur agung sasih kesanga, dipun tindakaken dhateng plataran candhi prambanan sedinten saderengipun Riyadi Nyepi. Upacara tawur agung punika ugi dipun estreni dening Menteri Agama, Lukman Hakim, Menteri Koperasi, Puspayoga, Gubernur Jawa Tengah Ganjar Pranowo, Sarta Bupati Klaten, Sri Hartini. Tumrap Umat Hindhu, Riyadi Nyepi inggih kangge ngenggalaken tekat lan greget kangge nindakaken piwucal trihitakarana kanthi wetah, sarta tansah mbangun supeketing sesambetan antawisipun manungsa kaliyan ida sang hyang widhi wasa, sasamaning manungsa, sarta manungsa kaliyan alam wewengkonipun. Wondene irah irahaning riyadi nyepi samangke inggih keberagaman perekat persatuan, dinilai sesuai dengan kondisi Negara Indonesia yang terdiri atas keberagaman.

Menteri Agama, Lukman Hakim, ngendikakaken, Riyadi Nyepi samangke sakalangkung mirunggan, awit alam ugi tumut amati geni, kanthi dumadosipun grahana srengenge total. Miturut lukman hakim, bab punika inggih lambang saking alam, supados manungsa wangsul malih dhateng jati dhirinipun minangka jejering manungsa.

Dinten Rebo 9 Maret 2016, Umat Hindu Badhe nindakaken catur berata penyepian, inggih punika amati geni utawi boten nyumet latu utawi mejahi sedaya nafsu, amati karya utawi boten makarya, amati lelungan utawi boten kesah, sarta amati lelanguan utawi boten remen remen. ( Haryadi )