Klaten, www.jogjatv.tv – Puluhan warganing TNI lan petani  ingkang manunggal salebeting Forum Komunikasi Pengguna Air Di Kapiler (FK Padika), nedheng reresik ilenan Lepen Kapiler ing Desa Karanglo, Kecamatan Polanharjo, Klaten. Kanthi ngginakaken alat berat, warganing TNI lan  para petani gotong royong reresik ilenan lepen. Giat bersih saluran air dipun grengsengaken  wiwit saking sumber toya ngantos warga ingkang nanjakaken  irigasi pertanian. Manager Sustainable Development PT Tiv Klaten, Rama Zakaria  mratelakaken, bakti sosial reresik ilenan Lepen Kapiler inggih rerangken kridha pengetan Hari TNI. Reresik ilenan lepen ngantos panjang 500 meter awit jawah deres sawetawis minggu pungkasan njalari lepen dados cethek lan kebak sangkrah satemah bunteti ilenan toya. Kanthi reresik ilenan lepen, kaangkah irigasi 1000 hektar pasabinan   rancag lan badhe ngindakaken asil pertanian.

Dandim Klaten, Letkol Inf. Bayu Jagat mratelakaken, supados asil  pertanian tumanja  sarana lan prasarananipun kedah dipun dandosi antawisipun ilenan irigasi.  Dandim lan jajaranipun badhe  biyantu mujudi kaliku bersih amrih asiling pertanian maremaken. ( Haryadi )