Sleman, www.jogjatv.tv – Mapan ing ruang pertemuan Kantor Badan Perencanaan Pembangunan( Bappeda) Kabupaten Sleman, Pemkab Sleman, ngadani Musyawarah Rencana Pembangunan (Musrenbang) Kabupaten Sleman taun 2017, dinten Senen (25/1). Salebeting Musrenbang ingkang dipun rawuhi dening Pimpinan Satuan Kerja Peremintah Daerah kasebat , Kepala Bappeda Sleman,Intriati Yudatiningsih njlentrehaken   pamedal Pemkab Sleman taun 2017 benjing, kaangkah Rp 2,3 triliun dene blanjanipun Rp 2,6 triliun. Lampah pambangunan sesirah Memberdayakan Potensi Ekonomi Lokal Menuju Kemandirian Dan Kesejahteraan Masyarakat Yang Berbudaya, kanthi 9 prioritas pembangunan, antawisipun ngindakaken keamanan lan ketertiban masyarakat, pemerataan pembangunan, memperkuat penegakan hukum sarta meningkatkan produk dan produktifitas rakyat yang mampu berdaya saing di tingkat internasional. Perencanaan pembangunan, kawiwitan tanggal 25 ngantos 3 Juni benjing. Awit saking punika, para pemangku jabatan ing Sleman kedah ngrantam progam kerja cundhuk kaliyan kebijakan pembangunan. Wondene miturut Pelaksana Tugas Sekda Sleman, Iswoyo Hadiwarno, ketepatan perencanaan pembangunan ndayani mutu pambangunan sae lan murakabi tumrap masyarakat. Awit saking punika, pimpinan SKPD kedah urun rembug, supados kawicaksanan ingkang dipun wedalaken cundhuk kaliyan pepinginan masyarakat. (Subardi)