Klaten , www.jogjatv.tv –Arseetya Haura Nur Alifa, salah satunggaling siswa Taman Kanak-Kanak Pertiwi, Keden, Kecamatan Pedan kasembadan majeng babak final 3 besar, lomba finger painting. Salebeting lomba kajawi mulas, pamupu kedah prigel nggunting lan menempel supados lukisanipun endah. Kangge cecawisan lomba, samangke pehak sekolah tansah suka panjurung tumrap Arseetya supados tumemen gladhen. Wiwit TK nol kecil , Arseetya, sampun remen nggambar lan bakatipun saya katingal nalika mlebet TK nol besar. Salajengipun bakatipun Arseetya dipun dayakaken lumantar pelajaran finger painting.

Miturut Kepala Uptd Pendidikan Pedan, Haryono, salah satunggaling siswa TK Keden asring tumut lomba finger painting utawi melukis dengan jari, inggih punika menggunting, menempel dan membentuk menjadi lukisan, tataran kabupaten, propinsi ngantos babak penyisihan tataran nasional. Miturut rantaman Arseetya badhe mupu lomba finger painting babak final 3 besar ing Jakarta tanggal 6 Februari benjing. Awit saking punika, pehak dinas badhe suka panjurung babagan mental lan gladhen supados saged mupu lomba kanthi sae. ( Haryadi )