Sleman, www.jogjatv.tv – Sasampunipun dipun kukuhaken dening Kementrian Pemberdayaan Aparatur Negara Dan Reformasi Birokrasi mlebet kategori inovasi layanan publik sembilan puluh –sembilan teratas, Samsat Maguwo Sleman, salajengipun badhe dipun biji  minangka kategori pelayanan 35 teratas  lan  badhe dipun kukuhaken minangka samsat mandiri.

Deputi Pelayanan Publik Kementrian Pemberdayaan Aparatur Negara dan Reformasi Birokrasi, Diah Natalisa dinten Rebo (20/4) siyang, nyemak  ladosan ing Kantor Samsat Pembantu Maguwo, Sleman. Miturut Diah Natalisa ladosan ing  Samsat Pembantu Maguwo Sleman, baik, cepat dan tepat. Ladosan  pajek kendaraan bermotor wekdlaipun namung 5 menit, pramila warga boten antri dangu. Miturut Diah Natalisa ing  Indonesia, wonten 2.476 instansi layanan publik ingkang dipun biji. Samsat Pembantu Maguwo Sleman, mlebet  kriteria layanan  99 teratas lan salajengipun badhe dipun biji malih  dados  kantor layanan publik  35 teratas dening Kementrian Pemberdayaan Aparatur Negara dan Reformasi Birokrasi.

Miturut Wakil Direktur Lalu Lintas Polda DIY, AKBP Ihsan Amin, warga ingkang betahaken ladosan ing  Kanmtor Samsat Maguwo kathah sanget dene sarana  prasarana ingkang dipun cumawis sakelangkung murwat. Awit saking punika, sampun satrepipun menawi   Samsat Pembantu Maguwo Sleman dipun kukuhaken dados samsat mandiri kanthi makaten Polda DIY badhe pirembagan kaliyan Pemda DIY.

(Subardi)