Kota Yogyakarta, www.jogjatv.tv – Mindhakipun regi daging lembu njalari sesangganing masyarakat tansaya awrat. Makaten ugi tumrap para bakul daging lembu lan bakul ratengan. Miturut salah satunggaling bakul   bakso ing tlatah Wijilan, Rismawan, sinaosa regi daging lembu mindhak nanging boten ngindhakaken regi bakso punapa dene nyuda ukuranipun. Ewa semanten, mindhakipun regi daging lembu njalari pamedalipun suda. Sakawit pamedalipun Rp 700.000,00 samangke Rp 500.000,00 saben dinten.

Bab sami ugi dipun raosaken dening bakul bakso sanesipun. Miturut salah satunggaling bakul bakso ing Alun-Alun Ler Kraton Ngayogyakarta, Sugiyanto, sinaosa boten ngindakaken regi lan nyuda ukuran bakso nanging anggenipun sadeyan sepen. ( Twin Kumilah )