Bantul, www.jogjatv.tv –Pambangunan Perpustakaan gadhahan Pemda DIY, Grahatama Pustaka ingkang dumunung ing Banguntapan, Bantul dipun gelak, supados saged tumuli dipun bikak. Pambangunan perpustakaan termegah ing DIY -Jateng, nelasaken wragat Rp 72 miliar. Miturut Kepala Bidang Pelayanan dan Pelestarian Perpustakaan BPAD DIY Monika Nur Lastiani, gedung perpustakaan dipun bangun wiwit taun 2012, dhateng pekawisan ingkang wiyaripun 3000 meter persagi wiwit taun 2012 lan badhe dipun kepyakaken dening Gubernur Diy Sri Sultan Hamengku Buwono X , dinten Senin (21/12) . Gedung tingkat 3 kasebat, jinangkepan fasilitas modern antawisipun bioskop Six D kangge nyetel film pendidikan lan dokumenter sarta cumawis koleksi naskah kina lan buku brail tumrap penyandang disabilitas. Minangka rerangken kepyakan gedung , sadanguning seminggu dipun gelar pameran buku sarta maneka lomba tumrap pelajar ing DIY .

Grahatama Pustaka mengku teges papan kangge nyimpen swaka, awit dhateng perpustakaan kasebat dipun simpen koleksi buku enggal sarta buku kina ingkang dipun cetak malih, wujud buku punapa dene digital. Koleksi buku cetak cacahipun 400 ewu iji dene cacahing buku digital 350.

( Hari Atmaja )