Magelang, www.jogjatv.tv – Satunggaling pelukis saking Magelang , Grace Tjondronimpuno , badhe mameraken lukisan wohing pakaryanipun salebeting  pameran Beijing Internatinal Art Biennale ing Tiongkok ,  Wulan September 2016. Pelukis ingkang lukisanipun asring mlebet  katalog pameran tataran  internasional punika badhe  pameran kaliyan puluhan pelukis saking sawetawis nagari.

Lukisan ingkang badhe dipun pameraken sesirah Smiling Dragon utawi Naga Yang Tersenyum , wohing pakaryanipun Grace Tjondronimpuno. Lukisan punika gambaraken gumregahing jagat  pariwisata Tiongkok lan majenging pambangunan ingkang lon-lonan dipun kuwatosaken ndhesuk wewangunan ciri mathi  budaya Warga Tiongkok. Grace warga  Perumahan Amerta , Dhusun Saratan , Desa Banjarnegoro , Mertoyudan Kabupaten Magelang ngripta lukisan naga pralambang kekiyatan Nangari Tiongkok, ingkang kaloka.

Pameran benjing, inggih nglajengaken  rawuhipun sawetawis  seniman saking sawetawis nagari dhateng  Yangzhou , Tiongkok , ingkang dipun aturi sedahan dening Asosiasi Seniman Tiongkok , pungkasan Wulan  September 2015. Rikala semanten, Grace garwa pelukis saking  Bali  , I Made Arya Dwita Dedok tumut pameran Beijing International Art Biennale taun 2015 .

25  pelukis saking sawetawis nagari ingkang tumut pameran dhateng Yanhuang Art Museum , Beijing , 4 ing antawisipun inggih pelukis saking Indonesia , nggih grace  Tjondronimpuno, I Made Gunawan , Wayan Redika , lan Pande Nyoman Alit Wijaya Suta dene lukisan wohing pakaryanipun grace, wiwit taun 1997, sampun dipun pameraken dhateng sawetawis nagari, antawisipun  Amerika Serikat , Bosnia-Herzegovina , Malaysia , lan Thailand.

Miturut  Grace , tumut pameran ing Beijing dados kalodhanmgan kangge mimbuhi seserepan lan tukar kawruh, kangge pasrawungan kaliyan  para seniman saking nagari sanes ngiras kangge njurung para seniman Magelang lan kawasan Candi Borobudur supados greget pameran sarta kangge nedahaken jati diri Bangsa Indonesia ing tataran internasional. ( Yuki Pramudya )