Pangeduming Winih Pantun Lelahanan
Klaten, www.jogjatv.tv – Atusan petani ing Desa Jungkare, Karanganom, Klaten, Jawa Tengah, lila dhesuk-dhesukan ing aula kantor desa kangge mendhet winih pantun lelahanan, bantuwan saking anggota Komisi VI DPR RI. Miturut para petani, bantuwan winih pantun saged ngentheng-enthengi sesanggan wragad ing mangsa tanem samangke.
Anggota Komisi VI DPR RI Endang Srikarti Handayani mratelakaken, sengaja suka bantuwan winih pantun lelahanan lan ngadani pasar murah minangka wujud kawigatosan anggota dewan dhateng warga, mliginipun para petani supados saya greget olah tetanen amrih mindhakipun produktivitas pantun. ( Haryadi )
Likes