Sleman, www.jogjatv.tv – Para  perajin batik ing Sleman, dinten Selasa (25/10) siyang, tumut pameran batik warna alam ingkang dipun gelar dening Dewan Kerajinan Nasional Daerah (Dekranasda) Sleman ing Pendhapi Rumah Dinas Bupati Sleman. Wonten ing kalodhangan kasebat ugi dipun gelar workshop sesirah Batik Warna Alam Dari Sleman Untuk Indonesia, ancasipun supados masyarakat mangertos unggulipun batik warna alam kanthi  narasumber Kepala Dinas Perindustrian  Perdagangan  dan Koperasi Kabupaten Sleman, Pustopo lan peneliti batik warna alam UGM Yogyakarta, Doktor Edia Rahayuningsih. Wonten ing kalodhangan kasebat ugi dipun gelar peragaan mbatik Miturut Ketua Dekranasda Sleman, Kustini Sri Purnomo, gumelaring workshop lan pameran batik warna alam mengku ancas kangge nepangaken  batik warna alam ing madyaning masyarakat awit Pemkab Sleman tumemen  ngrembakaken batik warna alam dene Kepala Dinas Disperindagkop Sleman Pustopo mratelakaken, kangge nyekapi  bahan baku warna alam tumrap perajin batik pehakipun nanem 4 hektar taneman indigo dhateng tlatah Kecamatan Minggir lan mboten dangu malih badhe ngrembakaken  maneka jinis taneman kangge pewarna alam antawisipun taneman tingi, jolawe, pace, kemudu sarta  uwit jambal lan maoni. ( Subardi )