Klaten, www.jogjatv.tv – Supados taneman jagung boten alum, kadang tani ing Klaten, Jawa Tengah ngrekadaya ngocori sabinipun kanthi nyedhot toya ngginakaken pompa toya. Kawontenan kasebat njalari wragat olah tetanen tikel matikel, kamangka menawi ngantos kasep anggenipun ngocori sabin, taneman dados alum satemah mawohipun kirang tumanja.

Miturut salah satunggaling petani jagung, Sumarni sadanguning mangsa ketiga kedah ngocori sabin saben setengah wulan sepisan supados taneman jagung boten alum dene kangge nyedhot toya betahaken wragat Rp.10.000,00 sajam

Taneman jagung saged dipun panen sasampunipun umur 3,5 wulan-s 4 wulan pramila sadanguning mangsa ketiga, kadang tani kedah nyedhot toya ngantos kaping 8 wiwit tanem ngantos mangsa panen.   ( Haryadi )