Sleman, www.jogjatv.tv – Mangsa panen pantun dhateng sawetawis wewengkon Ngayogyakarta,  ndayani ladosan huller utawi gilingan ideran  laris. Sewulan pungkasan saya kathah warga ingkang mbetahaken ladosan gilingan ideran punika. Salah satunggaling penggiling pantun, Supri mratelakaken mangsa  panen samangke, kathah warga ingkang betahaken ladosanipun.  Sedinten, saged giling  pantun   6 ngantos 7 kuintal gabah, kanthi tarip 300 rupiyah saben kilo sarta dhedhak sisa gilingan. Sadangunipun mangsa panen pamedal ingkang dipun tampi mindhak 60 persen saben dinten, inggih awit kathahipun dhedhak sisa gilingan ingkang dipun tampi, ingkang salajengipun dipun sade kangge  pakan ternak.

Sadangunipun mangsa panen, Supri boten ider dhateng kampung sanes awit kathah tangga tepalih ingkang betahaken ladosanipun satemah wragat  operasionalipun irit. ( Hari Atmaja )