Bantul, www.jogjatv.tv – Minangka Daerah Istimewa, sampun samesthinipun nengenaken lampah utama. Boten namung ing babagan hukum kemawon nanging ugi salebeting ngleluri kagunan  budaya adiluhung ingkang dados ciri mathi Daerah Istimewa Yogyakarta.

64 siswa SMA, SMK lan MA ing tlatah Bantul tumut  lomba peragaan busana adat jawa gagrag ngayogyakarta ing  Aula  Pemda II Kabupaten Bantul.

Miturut Kepala Bidang Pendidikan Menengah Atas, Disdikmenof Bantul, Suherman, lomba ajeg dipun gelar saben semester. Awit kridha samangke ngleresi Wulan April, pramila lomba kasebat ngiras kangge mengeti Hari Kartini. Saderengipun para pasarta tumut seleksi tertulis, magepokan Nilai – Nilai Pancasila, kabudayan lan integritas bab  pendidikan ingkang dipun gegulang.

Pasarta ingkang sasab lomba badhe nampi bebana tropi bergilir saking Gubernur DIY, lan dados duta budaya pelajar SMA SMK lan MA . (Anang Zainuddin)