Klaten, www.jogjatv.tv – Kangge mahargya pengetan kaping pitungdasa setunggal taun Dinten Kamardikan lan pengetan ambal warsa kaping 212 Kabupaten Klaten, Dinas Kebudayaan Pariwisata dan Olah Raga Kabupaten Klaten  nggelar lomba ndongeng lan lomba lukis tumrap pelajar. Miturut panitia lomba Tri Wibowo , lomba ndongeng inggih salah satunggaling kupiya kangge suka seserepan  dhateng siswa supados pana bab kagunan budaya lan  cerita rakyat sarta kangge njurung greget maos. Lomba ndongeng basa jawa ugi dados kalodhangan kangge memetri  basa jawa. Tiyang sepuh jaman kawuri, asring ndongengi kangge nuturi yoganipun   supados gesangipun trapsila lan nengenaken kautaman.  Pamupu lomba ndongeng inggih   siswa SMP sa Kabupaten Klaten.

Kajawi lomba ndongeng panitia ugi nggelar lomba lukis tumrap siswa SMA sa Kabupaten Klaten. Ancasipun kangge ndayakaken bakat lan  kreatifitas siswa salebeting bidang seni rupa dene itah-irahipun bab budaya. ( Purwanto )