Yogykarta, www.jogjatv.tv – Awit kawawas trep kangge sarana kampanye anti kekerasan terhadap anak, Pemerintah Kota Yogyakarta lumantar Kantor Pemberdayaan Masyarakat dan Perempuan (KPMP) nggelar lomba fragmen Perwakilan saking sedaya Kecamatan sa Kota Yogyakarta tumut mupu lampahing lomba menika.

Lomba fragmen anti kekerasan dipun gelar dinten Selasa( 1/12 ) enjing dhateng ruang utama atas komplek balaikota yogyakarta. Lomba ingkang saweg sepisanan dipun gelar dening Kantor Pemberdayaan Masyarakat dan Perempuan punika inggih mujudaken cara enggal kangge nggrengsengaken pencegahan tindak kekerasan terhadap anak. Cariyos salebeting fragmen ugi langkung prasaja inggih punika maneka perkawis ingkang asring dumados ing kulawarga.

Kepala Kantor Pemberdayaan Masyarakat dan Perempuan (KPMP) Kota Yogyakarta, Lucy Irawati mratelakaken, sedaya Kecamatan ing Kota Yogyakarta ngintunaken utusanipun kangge tumut mupu lomba. Utusan saben kecamatan kathah-kathahipun tiyang sedasa lan kaparingan wekdal kangge nggelar kagunan sadanguning gangsal welas menit. Gumelaring lomba punika kanthi pangajab ing tembenipun fragmen punika dados sarana kangge kampayekan tindakan anti kekerasan terhadap anak ing wewengkonipun piyambak piyambak.

Lucy ugi mratelakaken, bebana lomba kasebat inggih wujud tropi lan arta pembinaan minangka panganteb- anteb tumrap para pamupu anggenipun tumut lomba. ( Hari Atmaja )