Katrajang Bena, Talud Kreteg Ambrol
Klaten, www.jogjatv.tv – Jawah deres kalih dinten pungkasan, njalari kreteg ing Padukuhan Mindi, Desa Kaligayam, Kecamatan Wedi, Kabupaten Klaten, risak, Sedinten saderengipun kedadosan, talud kreteg katrajang bena lan jugrug dhateng lepen. Kangge ngawekani kacilakan, warga masang tetenger kanthi masang deling lan sela dhateng sacelak kreteg ingkang ambrol. Miturut Kades Kaligayam , Joko Sutrisno, kangge ndandosi kreteg kasebat boten cekap kanthi masang talud darurat awit badhe kentir, menawi katrajang bena malih. Ewa semanten pehakipun sampun pirembagan kaliyan BPBD lan Dinas Pekerjaan Umum Kabupaten Klaten, kangge ngudari perkawis kasebat. (Purwanto)
Likes