Bathik Ngregengaken Pekan Expo 2015
Purworejo, www.jogjatv.tv– Koleksi bathik saking maneka tlatah tumut ngregengaken Pekan Expo Purworejo 2015. Salah satunggalipun stand saking DEKRANASDA Purworejo, majang bathik ciri mathi Purworejo, antawisipun motif bathik Adi Purwo, gambar penari dolalak lan bedhug. Kejawi purworejo, koleksi bathik saking Pekalongan lan Kabupaten Banjarnegara, ugi dipun pajang salebeting pameran. Bathik Banjarnegara ingkang dipun pameraken antawisipun motif gentong lan motif salak.
Pameran produk kerajinan Umkm dipun gelar ngantos tanggal 4 oktober benjing dene maneka barang ingkang dipun pajang reginipun inggih murwat, wiwit saking Rp50 ewu ngantos RP100 ewu . (Pambudi Nugraha)
Likes