Sleman, www.jogjatv.tv – Sinaosa samangke perekonomian saweg lesu jalaran anjlogipun aos rupiyah, tumrap dolar amerika, Perusahaan Daerah Bank Sleman kepara tansaya ngrembaka. Inggih kanthi bikak kantor cabang dhateng Kecamatan Godean, ingkang dipunkepyakaken dinten senen (28/9) sonten.

Kantor Perusahaan Daerah Bank Sleman Cabang Godean, dumunung ing Padhukuhan Geneng, Desa Sidoagung. Kecamatan Godean. Kepyakan kantor cabang dipun tindakaken dening Penjabat Bupati Sleman, gatot Saptadi, kanthi nggunting pita lan pagas tumpeng, sineksen jajaran Direksi PD Bank Sleman, kalajengaken nyemak wewangunan sarta fasilitas kantor.

Miturut Direktur PD Bank Sleman , Muhamad Sigit , ancasipun bikak cabang dhateng Kecamatan Godean supados para pelaku Usaha Mikro Kecil Dan Menengah (UMKM) ing Sleman iring kilen, gampil pados bantuwan pawitan saking Bank Sleman. Lesunipun perekonomian jalaran mandhapipun aos rupiyah tumrap Dolar Amerika, kedah dipun adhepi sampun ngantos nglokro nanging kedah greget makarya supados usahanipun ngrembaka.

N antos wulan Agustus, total aset PD Bank Sleman gunggungipun Rp 578, 6 miliar, tumbuh 27 ,36 % tinimbang taun kapengker, redana saking masyarakat gunggungipun Rp 472 , 5 miliar dene 70 % ing antawisipun dipun sambutaken dhateng pelaku (UMKM )ing Sleman.

(Subardi)