Bantul, www.jogjatv.tv – Kangge ngregengaken milad muhamadiyah  ingkang kaping 104 taun, Pengurus Pusat Muhammadiyah nggelar maneka kridha, antawisipun pameran foto lan arsip mapan ing Lantai Dasar Masjid Ahmad Dahlan, komplek UMY. 400 foto lan arsip koleksi Muhammadiyah dipun pameraken kangge masyarakat umum, ngantos tanggal 18 November 2016.

Atusan koleksi foto pangrembakaning Muhammadiyah, wiwit madeg ngantos samangke sarta sawetawis dokumen perjuangan Muhamadiyah saged dipun tingali. Miturut ketua panitia pameran, Nurul Yamin, pameran samangke kangge ngregengaken Milad Muhammadiyah sarta kangge biwarakaken Sejarah Muhammadiyah lumantar  karya foto lan dokumentasi. ( Anang Zainuddin )