Kota Yogyakarta, www.jogjatv.tv – Warga  Kampung Gendeng Baciro, Kota Yogyakarta,  nggelar karnaval budaya kangge mangayubagya pikukuhan Kampung  Panca Tertib Bangunan dening Pemerintah Kota Yogyakarta.

Karnaval budaya dipun gelar dinten Minggu (23/10) enjing, dipun sengkuyung  atusan pasarta saking sawetawis kelompok masyarakat. Karnaval ugi kangge mangayubagya pengetan ambal warsa kaping 260 Kota Yogyakarta. Maneka kaskaya seni budaya saking saben RW Kampung Gendeng Baciro dipun pitontonaken dhateng sauruting  margi lan dados punjer kawigatosan masyarakat .

Pikukuhan  Kampung Panca Tertib  Bangunan  inggih  kupiyanipun  Pemerintah Kota Yogyakarta kangge njurung masyarakat supados  tertib ngurus  Izin Mendirikan Bangunan (IMB). Kampung Gendeng kaajab dados tuladha tumrap kampung sanes ing tlatah Kota Yogyakarta salebeting gerakan kedisipilinan lan kesadaran jangkepi IMB tumrap griyanipun. ( Hari Atmaja )