Sleman, www.jogjatv.tv – Kangge mengeti ambal warsa Polwan ingkang kaping 68, Polwan Polres Sleman nggelar aksi peduli difabel dhateng Pusat  Rehabilitasi Yakum, Jalan Kalurang Sleman. Rerangken kridha kawiwiatn pagas  tumpeng dening  Kabag Sumber Daya Manusia Polres Sleman, Kompol Tri Wahyuni. Salebeting kalodhangan kasebat warganing polwan  ngajak dolanan lare-lare panandhang disabiltas, antawisipun ngadani  lomba yel-yel semangat supados panandhang disabiltas boten nglokro. Kajawi punika warganing polwan ugi masrahaken  bantuwan dhateng panandhang disabiltas  binaan Pusat Rehabilitasi Yakum Sleman.

Pendamping Kelompok Belajar Pusat Rehabilitasi Yakum Sleman,Sri Rumiati, nampi kanthi remen  program polwan peduli difabel wau awit samangke para panandhang disabilitas racakipun ajrih   dhateng  polisi. Sri Rumiati ngajab  program polwan peduli difabel sageda dipun gelar kanthi lumintu supados  para panandhang disabilitas greget mecaki gesang. ( Subardi )