Kota Yogyakarta, www.jogjatv.tv – Prajurit Yonif Empat Nol Tiga Wirasada Prastita, sawega mbrasta aksi vandalisme dhateng  Kota Gudeg, Kota Budaya inggih Kota Yogyakarta. Bab wau dipun andharaken dening Komandan Yonif 403, Letkol Infantri Muklis Gasim salebeting pagelaran panggung prajurit ing Lapangan Pancasila Kentungan Ngayogyakarta, ngleresi pengetan kaping 51 Yonif 403 Wirasada Prastita. Letkol Infantri Muklis Gasim rumaos prihatos awit mratahipun aksi vandalisme ing kota destinasi budaya punika.  Kota Yogyakarta sugih kagunan budaya minangka jujugan tumrap  wisatawan domestik punapa dene wisatawan ngamanca sasampunipun Pulo Dewata Bali. Awit saking punika, Muklis Hasim tumemen mbrasta aksi vandalisme kanthi ngerigaken 403 prajurit salebeting kridha sesirah Gerakan Jogja Resik Bersama Masyarakat , ing pungkasaning  Wulan Agustus benjing.

Pagelaran panggung parjurit dipun regengaken dening Doreng Band, ingkang sedaya personilipun inggih Prajurit Yonif 403. Pengetan  ambal warsa kaping 51 Yonif 403 Wirasada Prastita ugi dipun regengaken maneka kridha antawisipun pagelaran ringgit purwa, panggung prajurit, olah raga sesarengan TNI lan Polri, militeri fotografi sarta air sofgan tingkat nasional. ( Purwanto )