Solo, www.jogjatv.tv – Ndungkap lebaran Disperindag Pemerintah Kota Surakarta, Jawa Tengah,  saya grengseng nindakaken sidak regi barang Kebutuhan Pokok Masyarakat (Kepokmas) dhateng sawetawis peken tradisional tlatah Solo. Tim Disperindag  Pemerintah Kota Surakarta nindakaken sidak regi barang kebutuhan pokok masyarakat ingkang dipun sade dhateng Peken Gedhe Solo ingkang ndungkap lebaran taun punika taksih awis. Maneka komuditas kebutuhan pokok, kadosta uwos, gendhis pasir, lisah goreng, brambang, bawang, tigan lan sanesipun,

Tigan samangke reginipun Rp.18.000,00, brambang Rp.35.000,00, bawang Rp.38.000,00 lan lombok kriting Rp.18.000,00 dene uwos mutu sedhengan samangke Rp.10.000,00 saben kilo lan regi daging popog awis Rp.110 ewu ngantos Rp.120 ewu saben kilonipun.

Regi kapetang limrah nanging tumrap gendhis pasir reginipun mindhak sakalangkung awis, saking Rp.12.000,00 dados Rp.17.000,00 saben kilonipun.

Amrih regi popog, Disperindag Kota Surakarta badhe asring nindakaken operasi pasar lan pasar murah tumrap warga miskin kangge ngentheng enthengi sesanggan ndungkap lebaran samangke. ( Heru Kristianto )